شبكتك ياحبيبي وانه ميت شوك

شبكتك ياحبيبي وانه ميت شوك
جن شبكت طفل شابكله مرجوحه
وجن جيت غريب مفارك امه اسنين
ذب روحه عليهه وما دره بروحه
شتظن بعد اهدك يلتعبت عليك؟؟
وعبرت الخاطرك هالجبل وسفوحه
اذا نيتك سليمه اليوم احلهه وياك
دخليني عله خدك دمعه مفضوحه
خاطر من اصبن امر بالشفتين
واشيلنلك شكو عله الخارطه ملوحه
وترد الكاع خضره ويطلع الرمان
وغير جفوف اديه محد يلوحه
ياوادي الغزل خليني اهيمن بيك
والعبره عله وادي الغزل مفتوحه
اطب لمملكه مفروشه بس جمار
واظل انثر نثر مااكتفي بلوحه
تعال انطيني اذانك خلي اسمعك زين
سر بيناتنه مو تركض تبوحه
نسهر للصبح نغتاله انه وياك
ونكتب لافته هو الكتل روحه

شگرآ لگ

مشكووور

شكرا جزيلآ على هذآ الطرح الطيب