طريقة وضع الحناء على الشعر

طريقة وضع الحناء على الشعر بدون كركبه

راح اعرض عليكم طريقة وضع الحناء على الشعر بدون اي ازعاج وبدون اي بقع

بالحمام او بالغرفه او على ملابسك

نبدا بسم الله ،،،

اول شيء عشان مانحوس ونبربرس بالحنا ونحوس الدنيا وتضيق صدورنا جبت كذا حاجه تبسط الامر وتخلينا نشتغل بنظافه ورتابه اكثر
وهي:

1-هذا لبس مصنوع من البلاستيك شريته استخدامه الاصلي للوقايه من الامطار بس انا حبيته للحنا افضل من الكيس او السفره ولو ماقدرتي توفرينه استخدمي اللي يناسبك
((كيس نفايات اسود كبير وفتحي له للرقبه والاذرع...او سفرة الطعام))
طبعا بعد استخدامه اللبسه تمسحينه على طول وتطوينه على نظافه عشان الاستخدام المتكرر فيما بعد بأذن الله.......>>>اقصد اللبس الجاهز مو الاكياس

2- الحاجه الثانيه

هذي عبوه عصار((الهيرشي)) عشان اعبي فيها الحنا واعصره عصر على شعري لان التلطيخ والمشط ماحبهااا
انتي شوفي اللي يناسبك طبعا بأي علبه او بالمشط على راحتك

3- الحاجه الثالثه حاولي يكون عندك محقااان عشان تعبين الحنا بوسط العبوه لان الحنا ثقيل والفتحه نسبيا صغيره فالمحقان راح يختصر الجهد والوقت والحوسه((اخذت الحبتين مع بعض من ايكيا))

4- رابعا واخيرا وهذا الشيء مايغيب عن الاذهان اكيد وهي القفازات

الحين بقولكم على الطريقه الافضل بالنسبه لي...وكل وحده تشوف اللي يناسبها
*وهو ان اعجن الحنا بمنقوع أي شيء مفيد مثل
((شاي/ميراميه/قهوه محروقه/زبادي/قهوة نوى تمر محمص/موية بصل.....الخخخخ من سوااائل العجن المفيده....بدون زيت عشان نستفيد اكبر فااائده من الحنا

((والأفضل مثل ماسمعت اني اعجنه بالليل عشان يخمر....ولاتحطون معاه بيض عشان مايفسد ولو حابه موضوع البيض مثلا خليه قبل وضعه في الشعر على طول عشان تكون فرش))

*وسمي بالله وحني شعرك وخليه من الفجر اذا كنتي متزوووجه((هذا الكلام للي زوجها يداوم الفجريه)) عشان تستفيدين اطول مده ممكنه بدون وجود المحرووووس

*وانتبهي تغسلينه قبل ال6 ساااعات وعن تجربه كل ماطولتي كان افضل

*بعد ماتغسلينه بمويا فقط هاتي افضل الزيوت عندك ودهني شعرك وخليه ساعتين ثلاث او اكثر مايضررر ثم اغسليه وانعمي بأحلى شعر بأذن الله

*وبالنسبه للي شعورهم جافه جدا وخايفييين من الحنا اقولهم اعجنو الحنا بزبادي + زيت يناسبكم بدون موووويه وكذلك صفار البيض كل هذا مفيد للجفاف ولاتضيفي مويه............وبعد ماتغسلينه حطي عليه (كريم )مناسب للشعر

*النظام راح يكون اسبوعي.....

بالنسبه لي يوم السبت او الاحداشوفه مناسب لي((اللا اذا صار عندي ظرف طاريء ممكن اغير))........لانو عادةً اهاليومين يكون فيه بريك لاروحه ولاجيه فهو مناسب جدا
وانتي اختاري يومك المفضل

الاستمرار شهر كامل على نظام الحناء يخلي شعرك لامع وحرير
وماراح تحتاجين استشوار كثير

اتمنى الموضوع يعجبكم

تحياتي،،،،
..

موضوع: _da3m_11 الخميس يناير 23, 2014 1:38 am